mércores, 6 de marzo de 2019

CIENTÍFICOS TOLOS DA VIDA REAL (I)

Despois de facer a disertación sobre Semmelweis quedeime reflexionando sobre como foi o seu fin, totalmente tolo pero sen maldade. Entón decidín investigar a médicos e cintíficos cuxas aspiracións ou métodos fosen totalmente tolos, pero da crueldade ca que actuaron:
Ilya Ivanovich (Wikipedia)
  • Johann Conrad Dippel (1673-1734): era alemán e estaba interesado en crear vida artificial. Chamábano o ladrón de corpos, xa que os roubaba para realizar "transplantes de almas".
  • Ilya Ivanovich Ivanov (1870-1930): ruso da época stalinista que realizaba experimentos para intentar cruzar razas de animais tales como zebra-burro, porco-coello...
  • Vladimir Demikhov (1916-1998): tamén foi da época stalinista, e ten a súa fama por transpantar partes vivas de cachorros de cans aos corpos de adultos desa mesma raza.
  • Shiro Ishii (1892-1959): coñecido como pai da guerra biolóxica, inseminou a miles de prisioneiros con enfermidades mortais, así como ciruxías aberrantes a prisioneiros vivos e sen anestesia.
  • Sigmund Rascher (1909-1945): este científico realizou os seus atroces experimentos grazas a impunidade que lle outorgaron os xenerais da guerra, os cales conistían en matar persoas coa súa cámara de presión portátil ou conxeladoas.
Sigmund Rascher (wikipedia)
Vladimir Demikhov (wikipedia)








IGNÁC F. SEMMELWIS

PARTOS, INFECCIÓNS E MORTES.
Como proposta de traballo, fixen unha disertación sobre o médico húngaro Ignác Semmelweis, que deixo a continuación (click na imaxe) por se a alguén lle interesa lela e saber un pouco máis.


luns, 4 de febreiro de 2019

PRESENTACIÓN E RESUMOS DO LIBRO POR CAPÍTULOS.

Moi boas! Despois de ler con moita atención o libro Elemental queridos humanos, vida y andanzas del ingenioso planeta Tierra, fixen uns resumos por capítulo e unha presentación para poder expoñer diante do meu grupo. Por se vos interesa, dita presentación pódese ver aquí, e o traballo escrito aquí.


EPÍLOGO: “EL PORVENIR ESTÁ ABIERTO”.

Para Karl Popper foi o primeiro en defender a vida, e para el todos os seres vivos estamos continuamente elaborando hipóteses, aínda que non sexa de maneira consciente.

Segundo el tamén, os humanos creamos a linguaxe, unha ferramenta que nos permite sacar fora esas hipóteses e sometelas a crítica, e poder así resolver problemas. En resumo, o epílogo deste libro é un homenaxe a Karl Popper e ao seu libro, cuxo título comparten.



CAPÍTULO 24: “SUBE LA FIEBRE”.

“La Tierra es un lugar hermoso, pero tiene una enfermedad llamada hombre” é unha frase moi adecuada para o tema deste capítulo, dita por Nietzsche.

Hai persoas que negan o cambio climático, coma se fose un tema unha cuestión aberta a debate ou unha ideoloxía, cando o que realmente é é un problema moi serio actualmente. Este capítulo insiste moito en dito problema e cita cales estás sendo as consecuencias do mesmo, que non son outras que as que xa todos coñecemos (fusión dos polos, esgotamento de recursos, emisión excesiva de gases tóxicos...).

CAPÍTULO 23: “GUERRA Y PAZ”.

Cando se libra unha guerra, nunca se conta como acabaron os derrotados, porque a nós como humanos non nos interesa. En realidade, parece que non sabemos honrar a alguén se non é un conquistador de terras. O mesmo pasa cos animais, que despois de vencelos os que nos resultan útiles (vacas, ovellas...) sobreviviron, e actualmente moitos deles viven en granxas intensivas de explotación.

De todo iso naceu un gran dilema moral sobre que animais son os que mellor viven:
  • Os que viven presos nesas granxas, unha vida normalmente longa e sen falta de alimento, pero separados das crías e sobreexplotados.
  • Os que viven libres pero morren pronto porque son presas doutros animais ou por falta de alimento.
  • Os que son obxecto de investigación e experimentación en laboratorios, pero sen riscos de ser presa ou de falta de comida.

Volvendo ao tema das conquistas, cabe mencionar que os gañadores non sempre saen moi ben parados. Despois de conquistar novos terreos, os conquistadores poden levar infinidade de novas enfermidades as súas terras, as cales adquiriron neses novos terreos conquistados.



CAPÍTULO 22: “EL HOMBRE PROPONE Y EL CIELO DISPONE”.

Este capítulo non é moi extenso e trata de temas puramente biolóxicos que todos coñecemos, como o cambio climático producido pola nosa contaminación desmesurada e a negación que exercemos ante ese problema.

EUTANASIA

As necesidades e os debates sobre elas van evolucionando a medida que pasa o tempo e avanzan as sociedades. Ultimamente, o debate sobre a l...